Beth ddigwyddodd?
Mewn etholiad cyffrous ac agos rhwng ymgeiswyr, mae Cyngor Ieuenctid Caerdydd (CIC) wedi dewis ei Gadeirydd a’i Is-gadeirydd newydd. Gwnaeth saith ymgeisydd gystadlu am y swyddi nodedig hyn, gan gynnwys Steffan Raynor Owen, Emile Chapin, Emily Gao, Megan O’Neill, Tegan Griffiths, Ryan Bestwick, a Grace Lee. Ar ôl cyfnod ymgyrchu brwdfrydig, cafodd Emily Gao ei hethol yn Gadeirydd newydd, a Megan O’Neill yn Is-gadeirydd. Croesawodd yr Is-gadeirydd ymadawol, Zack Hellard, yr arweinyddiaeth newydd yn garedig iawn a manteisiodd ar y cyfle i ddiolch i’r staff a’r aelodau am eu cefnogaeth dros y chwe blynedd diwethaf. Yn ei haraith dderbyn, mynegodd Emily Gao ei gwerthfawrogiad i Zack Hellard a Mikaeel Moulani, y Cadeirydd blaenorol na allai fod gyda nhw, a phawb a bleidleisiodd drosti, gan bwysleisio ei chyffro a’i hymrwymiad i wasanaethu’r cyngor ieuenctid. Ategodd Megan O’Neill y teimladau hyn, gan edrych ymlaen at gyfrannu at fentrau’r cyngor a chynrychioli lleisiau pobl ifanc yng Nghaerdydd.
Pam?
CIC yw’r rhwydwaith swyddogol ar gyfer pobl ifanc 11-25 oed yng Nghaerdydd, mae’n cael ei redeg gan bobl ifanc ar gyfer pobl ifanc ac mae’r etholiadau yn chwarae rhan sylweddol yn yr ymagwedd a arweinir gan gymheiriaid.
Ac felly?
Roedd digwyddiad yr etholiad yn arbennig o gynhwysol, gyda phresenoldeb pobl ifanc o fforymau ieuenctid Gwynedd, yn meithrin ymdeimlad o gymuned a diben a rennir ymhlith cynrychiolwyr ieuenctid o wahanol ranbarthau.
Wrth i CIC ddechrau ar y bennod newydd hon, mae aelodau’n obeithiol am y newidiadau a’r mentrau cadarnhaol a ddaw yn sgil yr arweinyddiaeth newydd.